Гастрономско уживање од вештите раце на Бобе Јанкоска: Тикварник – сочен, воздушест и миризлив
Јованка Јанкоска Бобе, која стои зад блогот bobesbakery.mk, фејсбук и инстаграм-профилот, е вистински кулинарски креативец – нејзините рецепти се милина и за очите и за непцето.
Препорачано
Бобе денеска споделува рецепт за вистински гурмански деликатес – тикварник.
– Овој едноставен и лесен традиционален рецепт за тикварник го наследив од баба ми. Јас го дополнив со слатка павлака и мелени ореви одозгора, со што се доби божествено вкусен десерт – порачува Бобе.
Потребни состојки:
– 1 кг варена и пасирана тиква
– 3 јајца
– 150 грама шеќер
– 40 мл масло
– ½ лажичка прашок за печиво
– 1 ќесичка ванилин шеќер
– 1 лажица брашно
– ½ лажичка цимет
– ¼ лажичка мускатно оревче
– ¼ мелено каранфилче
– 100 грама мелени ореви
– 150 мл слатка павлака изматена да се декорира тикварникот.
Подготовка:
Се матат јајцата со шеќерот и ванилата, им се додава тиквата и маслото и се матат до изедначување на смесата. Кога сѐ убаво ќе се соединети, се додава прашокот за печиво, циметот, мускантното оревче, каранфилчето и брашното и се мешаат со лажица. Смесата се става во намастено тавче и се пече дваесетина минути во рерна загреана на 220 степени.
Изладеното тесто се украсува со изматена слатка павлака. И се наросува со мелени ореви.
На здравје сладење!
