Јованка Јанкоска Бобе, која стои зад блогот bobesbakery.mk, фејсбук и инстаграм-профилот, е вистински кулинарски креативец – нејзините рецепти се милина и за очите и за непцето.

Бобе денеска споделува рецепт за есенски деликатес – тикварник.

– Постојат голем број рецепти за подготовка на торта со тиква, позната и како тикварник. Ви го претставуваме нашиот едноставен и лесен традиционален рецепт за тикварник, со наши додатоци со кои ќе добиете необичен вкусен десерт – порачува Бобе.

Состојки:

• кило варена и пасирана тиква

• три јајца

• 150 г шеќер

• 40 мл. масло

• ½ лажичка прашок за печива

• кесичка ванилин шеќер

• лажица брашно

• ½ лажичка цимет

• ¼ лажичка мускатно оревче

• ¼ мелено каранфилче

• млеко по потреба

Намаз:

• 100 г крем сирење

• 50 г шеќер во прав

• две лажици варена тиква

Сите состојки од намазот се матат со миксер

• 150 мл слатка павлака изматена за да се декорира тикварникот

Подготовка:

Јајцата се матат со шеќерот и ванилата, им се додава тиквата и маслото и се матат до изедначување на смесата. Кога се убаво соединети, се додава прашокот за печење, циметот, мускантното оревче, каранфилчето и брашното и се мешаат со лажица.

Смесата се става во намастено тавче и се пече дваесетина минути во рерна загреана на 220 степени.

Изладеното тесто се премачкува со тенок слој од намазот. Врз него се става изматена слатка павлака.

На здравје!