Собраниски службеник, а не претставник на невладините ќе претседава со седницата за Одбележувањето на 11 Јули – Меѓународен ден на сеќавање на геноцидот во Сребреница, брифира претседателот на Собранието Африм Гаши и со тоа е уверен дека нема да се повтори скандалот од лани кога сеќавањето на жртвите беше злоупотребено за молитва во Законодавниот дом.

Гаши вели дека повеќе организации испратиле допис Собранието повторно да организира седница во спомен на жртвите од Сребреница. На седницата Гаши и претставници на невладините организации ќе одржат кратки говори. Гаши е уверен и како што вели прават сè, на седницата в среда да нема никакви злоупотреби, алудирајќи на молитва од присутните.

Лани при одбележувањето на 11 јули, Гаши и претставници на невладини организации Мерсиха Смаиловиќ, Сеад Џигл, Сафет Бишевац се молеа во Собранието. Фотографијата на која присутните се молата предизвика скандал, а претседателот на Собранието ја заработи и првата интерпелација за неговата работа бидејќи не ја спречи молитвата во Законодавниот дом. Пратениците кои не се од исламска вероисповест се нашле во небрано кога нивни колеги и гости при оддавање почит на жртвите од Сребреница почнале да се молат.

Реакциите на пратениците тогаш беа дека Собранието не е и не смее да биде место за организирање на какви било религиски обреди, бидејќи Македонија е јасно определена според Уставот како секуларна држава. Освен осуда дека на молитвата не ѝ е место во Собранието, пратениците побараа институциите да реагираат и да има одговорност. Поради молитвата, односно прекршување на секуларноста, Левица поднесе интерпелација за претседателот на Собранието, односно иницијатива за негово разрешување.

Само Собранието се сети на Сребреница