Македонската машка ракометна репрезентација се подготвува за настапот на Светското првенство 2025 година.

Нашите ракометри првиот дел од подготовките го одработуваат во Стара Пазова, Србија, каде ќе останат до 30 декември.

Трет дена за избраниците на селекторот Кирил Лазаров во Стара Пазова, а меѓу повиканите е и младиот голман Иван Галевски.

Играчот на ракометниот клуб Алкалоид за подготовките и настапот на претстојниот Мундијал:

– Чест и задоволство ми е што сум дел од овој колектив. Нѐ очекува еден голем предизвик, но тоа не треба да ни претставува притисок, напротив еден мотив плус за да секој го даде својот максимум. Подготовките се одвиваат добро и се надевам дека спремни ќе го дочекаме стартот на Светското првенство – вели Галевски.