Граѓани се пожалија до редакцијата на „Слободен печат“ дека секојдневно гледаат непрописно паркирани возила на улиците и тротоарите низ Скопје, а полицијата не презема мерки, односно не реагира соодветно за да ги отстрани.

Тие велат дека ова често се случува на улиците „Прашка“ во Тафталиџе, на улицата „Димитрија Чуповски“ во Центар, како и на булеварот “Митрополит Теодосиј Гологанов“.

Од МВР велат дека редовно спроведуваат контроли и казнуваат возачи за прекршување на сите правила во сообраќајот.