Фустаните со точки се едни од оние парчиња на кои се враќаме секоја сезона, бидејќи се лесни за стилизирање, удобни за носење и изгледаат ефективно без многу труд.

Ова лето, фокусот е на лесни материјали, елегантни кроеви и нежни нијанси кои можат да се носат и на градски прошетки и на неформални летни собири.

Без разлика дали ќе ја изберете класичната црно-бела верзија, пастелни тонови или поконтрастен принт, точките се еден од најшармантните модели во летната гардероба оваа сезона.

 

View this post on Instagram

 

A post shared by Tara (@tarabakalian)

Комбинирајте ги со балетанки, еспадрили или рамни сандали, додадете плетена чанта или златни обетки и ќе имате комбинација подготвена за целиот ден, од утринското кафе до вечерното излегување.

Лелеавите кроеви и материјали ги прават идеални за високи температури, додека изборот на должини, од мини до макси, ви овозможува да ги приспособите на вашиот сопствен стил. Фустаните со прерамки се идеални за секојдневни прошетки, додека кошула-фустаните се одличен избор за на работа.

 

View this post on Instagram

 

A post shared by elsa❤️ (@hoskelsa)