Фудбалерите на Србија во иднина би можеле да носат дресови со ликот на легендарниот Синиша Михајловиќ, најавува „Газета дело Спорт“.

Технички спонзор на Фудбалската репрезентација е „Макрон“ кој е стациониран во Болоња и тоа е градот со кој Михајловиќ има посебна врска. Токму во овој град српскиот стратег водеше тешка битка со леукемијата и истовремено го предводеше тимот од клупата.

Најавите се дека на дресовите ќе има силуета на Михајловиќ како изведува слободен удар, нешто по што тој беше препознатлив во кариерата како фудбалер.

Медиумите пишуваат и дека самите репрезентативци на Србија биле воодушевени од оваа одлука и тоа воопшто не е чудно затоа што Михајловиќ за многумина од нив е и идол од детството.

Ваквиот дрес сигурно би бил уникатен во светот на фудбалот кога во прашање се репрезентациите.