Европската агенција за заштита на границите Фронтекс забележа пораст од 39 отсто на миграциските текови од Турција кон грчките острови во првите осум месеци од 2024 година.

Како што пишува Прототема, во тој период Фронтекс регистрирал дека 37.163 лица илегално ја минале границата, но и покрај ваквиот тренд, намалување на миграциските текови е забележано и во другите региони на Европа.

Според извештајот на Фронтекс, криминалните организации кои шверцуваат мигранти ја прилагодуваат својата тактика за да ги избегнат строгите грчки патроли, сè почесто користејќи глисери за да избегнат фаќање.

Во источниот дел на Медитеранот, каде што миграцискиот притисок е висок, шверцерите сè почесто користат глисери за да стигнат до грчките острови, бидејќи тие се потешки за откривање од гумени чамци.

Истовремено, во цела Европската унија во првите осум месеци се евидентирани 139.847 илегални преминувања. Најголем пад е забележан во Западен Балкан и Централно Медитеран, каде миграциските текови се намалени за 77 отсто.

Спротивно на тоа, источните копнени граници на Европа и Западна Африка забележаа значително зголемување, со стапки над 193 проценти. Главните националности на мигрантите се од Сирија, Мали и Авганистан.

На источните копнени граници на Европа, премините продолжуваат да растат со стапка од 193 отсто, достигнувајќи 11.270 мигранти оваа година.