Фрегатата на руската морнарица „Адмирал Головко“, опремена со хиперсонични крстосувачки ракети од новата генерација, изведе вежби во Ла Манш и во моментов ги извршува преостанатите задачи во Атлантскиот Океан, соопшти денеска Прес-службата на руската северна флота.

„При преминувањето на зоната на теснецот, екипажот на руската фрегата изврши вежба со цел да обезбеди противвоздушна и противподморничка одбрана на одредот на бродот, како и неколку вежби за  спасувачки операции со помош на носач на авиони – Ка -27 хеликоптери“, соопшти руската флота.

Како што се додава, фрегатата е опремена со хиперсонични противбродски ракети „циркон“, а екипажот вршел и антитерористички вежби и обука за избегнување опасни цели.