Минатата пролет, 46 отсто од француските корисници на интернет имаа пристап до барем една законска понуда за видео-стриминг во нивниот дом, наспроти 36 отсто во 2019 година. Претплатниците на платформите за видео-стриминг во просек трошат нешто повеќе од 15 евра месечно, јави дописникот на МИА.

Ова произлегува од извештајот на аудиовизуелниот совет и Високиот орган за дистрибуција на дела и заштита на правата на интернет.

Од пристигнувањето во Франција на Нетфликс во 2014 година, потрошувачката на овие платформи имаше „нагорен тренд” на што се должеа ограничувањата и полицискиот час поврзани со здравствената криза ковид-19.

Бројот на достапни услуги се зголеми од 63 во 2017 година, на 78 во 2020 година, со лансирање на Епл ТВ + во ноември во 2019 година и Дизни + во април во 2020 година.