Социјалната мрежа Ликедин/ Фото: EPA-EFE/JOHN G. MABANGLO

Француските весници го тужат Линкедин за користење на нивната содржина

Околу 50 француски весници презедоа правни мерки против американската професионална социјална мрежа Линкедин (LinkedIn) за да ја принудат да го почитува актуелниот закон за авторски и сродни права, објави денеска Алијансата за печатот (APIG) .

Оваа легислатива веќе пет години им дозволува на новинските агенции и медиумските куќи да добиваат финансиска компензација од платформите кога нивната содржина повторно се користи од гигантите на дигиталната економија.

„Линкедин користи содржина од францускиот печат без дозвола и без плаќање пет години“, објаснува Пјер Луе, претседател на АПИГ и претседател и извршен директор на групата Les Echos-Le Parisien, цитиран од весникот Ле Фигаро.

Групата Ле Фигаро веќе поднесе жалба во октомври против дотичните професионални социјални медиуми поради истите причини. „Исто како и нејзината матична компанија Мајкрософт, против која АПИГ поднесе тужба во ноември и Линкедин одбива да ги предаде основните податоци за да ја процени употребата на медиумската содржината на нејзината страница, како и да преговара за износот на сродните права“, продолжува весникот.

Написите од печатот честопати се објавуваат во целост од корисниците на страницата на социјалните медиуми, кои исто така често ги прикажуваат во делот Вести, додава тој.

Според Лует, иако преговорите со Гугл за обновување на Рамковниот договор, кој беше склучен во 2022 година за 300 наслови на печатот, беа „помалку тешки“ од пред пет години, „напротив, односите се влошија со Мета, која сепак го склучи првиот Рамковен договор во 2021 година“.

„Групата тврди дека содржината на печатот сега е помалку видлива за алгоритмот на социјалните медиуми и дека крајот на Фејсбук њуз драстично ги менува податоците на кои се базираа правата од претходниот договор“, тврди Ле Фигаро.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот