Прехранбен производ итно се повлекува од пазарот на 20 европски земји поради можност во него да има туѓо тело. Како што објави европскиот систем за безбедност на храната РАСФФ во средата, станува збор за прав од протеин од сурутка со вкус на чоколадо, кој се користи како додаток во исхраната за спортистите. Земја на потекло е Франција, а се дистрибуира, меѓу другите, на пазарите во Хрватска, Словенија, Унгарија, Австрија, Италија, Германија…

Првично именуван како „прав со вкус на чоколадо Веј Веј“, се отповикува од потрошувачите и се повлекува од продажните места поради можно присуство на туѓо тело. Од европскиот систем за брзо предупредување во трговијата со храна не наведуваат кој е производителот, освен дека е од Франција. Присуството на туѓо тело во производот е откриено од компанијата која произведува протеин од сурутка во прав. Производот не е во согласност со Регулативата 178/2002 за воспоставување на општите принципи и услови на законот за храна, основање на Европската агенција за безбедност на храна и воспоставување процедури во областите на безбедноста на храната, предупредува Даница.хр.