Франција пред масовни немири, Макрон го заобиколи Парламентот за да ја „протурка“ пензиската реформа
Француската премиерка Елизабет Бурн започна специјална процедура за усвојување на непопуларниот предлог-закон за пензиските реформи во Националното собрание без гласање, низ извици и скандирања од пратеници од левицата кои вееја транспаренти против пензиските реформи.
Препорачано
Користејќи го таканаречениот член 49.3 од Уставот, усвојувањето на нацрт-законот за зголемување на старосната граница за пензионирање за две години на 64 е обезбедено, но тоа покажува дека претседателот Емануел Макрон и неговата влада не успеале да обезбедат доволно мнозинство во парламентот, објави Ројтерс.
Премиерката беше пречекана со свирежи кога пристигна во парламентот за да најави отпочнување на специјалната постапка.
Седницата беше прекината две минути кога левичарските пратеници кои ја интонираа државната химна ја спречија Бурн да зборува. Некои пратеници вееја транспаренти на кои пишуваше „Не за 64 години“. Кога Бурн го продолжи излагањето, нејзиниот говор постојано беше прекинуван од свирежи, пеење и извици „оставка“.
Опозициските партии најверојатно ќе бараат гласање за доверба на владата, но тешко дека таа ќе падне, бидејќи мнозинството конзервативни пратеници најверојатно ќе ја поддржат, наведува агенцијата.
На улиците на француските градови со недели беснеат жестоки протести против пензиските реформи, а многу незадоволни граѓани се собраа и денеска.
FRANCE – Macron has triggered Article 49.3
This adopts his pension reform plan WITHOUT a vote in the French National Assembly.
The people chant for him to resign, after weeks of violent protests. But no one is listening to the people anymore.
— Bernie's Tweets (@BernieSpofforth) March 16, 2023
На социјалните мрежи беа објавени и видеа на кои се гледа како француската полиција брутално се пресметува со демонстрантите.
Woman beaten and camerawoman attacked by regime police as violence swells in France. pic.twitter.com/xPOpoqfPlk
— Mats Nilsson (@mazzenilsson) March 15, 2023
Макрон и неговата влада инсистираат на тоа дека зголемувањето на старосната граница за пензионирање е неопходно за одржување на пензискиот систем, но неговиот неуспех да ја усвои пензиската реформа во парламентот е удар за неговите напори да спроведе нови реформи.
Францускиот претседател денеска ја искористи „нуклеарната опција“ која и овозможува на владата да ги спроведува законите без гласање.
