Трета недела по ред во Франција се одржуваат демонстрации против здравствениот пасош, кој од понеделник ќе стане задолжителен за скоро сите јавни установи и вработените во нив, како и во транспортот, јави дописникот на МИА.

Околу 160.000 демонстранти беа на 24 јули, а повеќе од 200.000 минатиот викенд … Во многу градови во Франција, големи и мали, протестите против здравствениот пасош добиваат на интензитет. Демонстрантите масовно го користат хаштагот #Пасделахонте (Пропусница на срамот) за да се соберат и да го осудат нападот врз нивната слобода. Во средината на летото, кога градските улици се празни, таквата мобилизација изненадува.

Вкупно биле пријавени околу 200 демонстрации ширум Франција, некои од нив се одржаа изутринава. Како на пример во Марсеј каде демонстрираа 8000 лица. Во Тулуз имало околу 5000 лица, при што имало и судири на полицијата со демонстрантите, која притоа употребила и солзавец.

Во Париз каде голем број демонстранти се собраа на плоштадот Шателе пред градското собрание ја напуштиле поворката за да се придружат на уште една демонстрација пред Кралската палата. Тензијата е видлива, ако што се видливи големиот бројна жандарми и полицајци, кои минатата година употребија водени топови и солзавец за да ги растераат најупорните демонстранти.

Мобилизација против здравствениот пасош е типично изразување на незадоволството или така наречен „француски бунт’, по тој на жолтите елеци. Неслучајно најголемата мобилизација против здравствениот пасош е во регионите каде жолтите елеци беа исто така мобилизирани.

Оваа, четврта последователна недела во Франција, на демонстрации против здравствените мерки се многу поголеми од тие кои беа забележани во Ирска, Грција, или неодамна во Италија, кои остануваат во помал обем.