Во второто полуфинале на Европското ракометно првенство во „Ланксес Арена“ во Келн репрезентацијата на Данска со 29:26 го совлада домаќинот Германија.

Германија добро го отвори натпреварот, имаше еден-два голови разлика, Данците главно одржуваа нерешен резултат, а на полувремето германските ракометари имаа предност од 14:12.

Во вториот дел видовме слична игра гол за гол сè до 38 минута кога Данците поведуваат (16:17). Следуваше голема борба на теренот, а во 53 минута скандинавската селекција направи решавачка серија.

Во тие моменти Данците зголемија на 21:25, Германија беше во благ „нокаут“ и до крајот Данска само рутински ја одржуваше својата позитива за победа и финале.

Кај Данците најрасположени со по пет голови беа Питлик, Јакобсен и Хансен, а на спротивната страна истиот учинок го имаше и Усцинс.

Противник на Данска во финалето ќе биде Франција која претходно ја елиминираше селекцијата на Шведска.

Еднаш се сретнаа Данците и Французите во европско финале во 2014 година кога славеа француските ракометари со 41:32.