ФОТО+ВИДЕО | Четиригодишно дете стана најмладиот член на Менса во Англија
Момчето, кое како двегодишник само научило да чита, стана најмладиот член на Менса во Велика Британија, пишува „Би-би-си“.
Препорачано
Четиригодишниот Теди Хобс од англискиот град Портишед во областа Сомерсет, исто така, умее да брои до 100 на шест странски јазици, помеѓу другото, и на мандарински.
Менса прима во членството врз основа на тест за интелигенција, каде се бара најмалку 98 отсто точни одговори.
Бет Хобс, мајката на Теди, вели дека тој научил да чита на само 26 месеци „гледајќи детски канали и повторувајќи ги буквите“.
„Почна да ги следи зборовите на екранот, а кога повторно тргна во градинка по укинувањето на мерките за ковид, им кажавме на воспитувачките дека веруваме дека научил да чита. Наскоро ни се јавија на телефон и потврдија дека знае да чита!“, раскажала мајката на малиот генијалец Теди.
View this post on Instagram
Броењето особено ги шокирало родителите на Теди.
„Тој си играше на таблетот, испушташе некои звуци кои едноставно не ги препознав, а јас го прашав што е тоа, а тој ми рече: ‘Мамо, бројам на мандарински’“, рекла Хобс.
View this post on Instagram
Мајката рекла дека резултатот на коефициентот на интелигенција на нејзиниот син, за кој „Тајмс“ објави дека го става во 99,5 отсто за неговата возраст, претставува посебни родителски предизвици.
Неговите родители велат дека сакаат да му пружат „вистинско детство“.
„Тој треба да сфати дека тој има некои вештини, а дека другите деца можат да трчаат побрзо од него – секој има одреден талент“, додава Бет Хобс.
Теди станал член на Менса кога имал три години, што го прави најмладиот сегашен член на организацијата во Велика Британија.
Менса прифаќа само луѓе кои постигнуваат резултати во првите 2 отсто од општата популација на надгледуван тест за интелигенција. Иако вообичаено не ги оценува децата, нуди поддршка за родителите, кои можат да го тестираат своето дете преку едукативен психолог, пишува „Гардијан“.
