Депонијата „Вардариште“, по пожарот кој ја зафати викендов, сѐ уште чади и сериозно го загрозува здравјето на жителите од Гази Баба и Аеродром. И утрово граѓаните се гушеа во отровите од старата депонија, што може да се види од фотографиите и видеото направени од жител на Аеродром, кој вели дека ваква е состојбата веќе трет ден.

По неколкудецениската негрижа за „Вардариште“ и покрај постојаните апели на скопјани за изнаоѓање трајно решение, депонијата се најде во фокусот на инспекцијата, полицијата, актуелните и кандидатите за идни градоначалници, кои вчера “прошетаа“ на овој простор, повторно со низа ветувања.

Дали конечно ќе се стави крај на постојаните потпалувања и на загадувањето од „Вардариште“ времето ќе покаже. Во меѓувреме, жителите од Ново Лисиче и Аеродром, како што најавија, секојдневно со протести ќе го искажуваат своето незадоволство и ќе бараат итно решение и заштита на нивното здравје.

ВИДЕО | Граѓанска блокада во Аеродром: „Да се реши канцерот Вардариште“