Вирџинија Михајловиќ (25), ќерката на неодамна починатиот српски фудбалер и тренер Синиша Михајловиќ, вчера се омажи за својот долгогодишен партнер, италијанскиот фудбалер Алесандро Вољако (24).

Свечената церемонија се одржала во Бари, во катедралата „Монополи“ од 12-от век, а гостите биле сместени во луксузниот хотел „Масера Касели“.

Не е случајно тоа што убавата Вирџинија се одлучила токму за Бари, на тоа место нејзиниот татко Синиша со Црвена ѕвезда ја испиша историјата на европскиот фудбал, кога во 1991 година станаа шампиони на Европа.

Невестата блескала во бајковита венчаница од тантела, која самата ја креирала. Венчавката била интимна, само за најблиските пријатели и семејството. Покрај неа биле нејзината мајка Аријана, како и сестрата и браќата.

– Ги поканивме само роднините, блиските луѓе со кои често се слушаме и кои беа тука во важните моменти. Алесандро и јас имаме големи семејства и многу пријатели, а тоа значи нема да има помалку од 200 гости. Среќни сме бидејќи имаме толку луѓе кои нè сакаат – рекла неодамна Вирџинија.

Парот планираше да се венча минатата година, но ги одложи плановите по наглото влошување на здравствената состојба на Синиша, кој почина во декември 2022 година.

На Вирџинија кумови ѝ биле братот Мирослав и сестрата Викторија, а Алесандро исто така ги избрал сестрата и братот за овој важен чин.

До олтарот убавата невеста ја испратиле нејзините браќа Мирослав, Душан и Николас.

Вирџинија и Алесандро пред две години ја добија ќерката Виоланте.

Тажна вест: Почина големиот Синиша Михајловиќ

ВИДЕО: Со факели, песни и аплаузи навивачите го испратија последниот поздрав до фудбалската легенда