Редок розов дијамант наречен „Вечна розова“ (Eternal Pink) ќе биде продаден на аукција во јуни во Њујорк.

Дијамантот ќе биде продаден на аукција на куќата „Сотби“ во текот на аукцијата „Величествен накит“ (Magnificent Jewels), а неговата вредност се проценува на 35 милиони долари.

Станува збор за дијамант од 10,57 карати, кој се смета за највредниот виолетово-розов дијамант кој некогаш се појавил на аукција.

 

View this post on Instagram

 

A post shared by Sotheby’s (@sothebys)

„Неговите префинети линии во комбинација со интензитетот на неговата боја го прават еден од најнеобичните скапоцени камења во светот“, рече Том Мозес, извршен потпретседател и главен лабораториски и истражувачки службеник во Гемолошкиот институт на Америка.

Дијамантот е пронајден во Боцвана и е посебен поради неговата бистрина и недостаток на несовршености.

Розовите дијаманти се меѓу најретките и најбараните во светот. Рекордна цена платена за еден од нив е 71,2 милиони долари, а тој износ е издвоен во 2017 година за дијамантот „ЦТФ розова ѕвезда“ (CTF Pink Star).

 

View this post on Instagram

 

A post shared by SARAH KANJ (@davincicode7)

Највисока цена по карат постигна дијамантот „Вилијамсон розова ѕвезда“ (Williamson Pink Star) во 2022 година, кој беше продаден за 57,7 милиони долари. Платени се речиси 5,2 милиони долари по карат.