Кејт Мидлтон за првпат се појави во улогата на врховен полковник на Првата змејска гарда на кралицата, која ѝ беше доделена од кралот Чарлс Трети во текот на летото. Таа многумина воодушеви со својата подготвеност, а фотографиите од нејзината посета го обиколија светот.

Кејт го помина денот во Дерехам со членовите на Првата змејска гарда на кралицата, а принцезата целосно се внесе во улогата, па за време на посетата носеше маскирна јакна и кацига и храбро почна да вози тенк тежок седум тони.

„Таа беше природна. Дома вози Ленд ровер, па ѝ реков дека е исто“, рекол војникот и инструктор за возење Дерејл Тукана.

Инаку, возењето тенк е специјалност на таа единица, чија основна задача е да ја извидува територијата. Оваа единица во минатото се движеше низ целиот свет, а последен пат беше распоредена во Мали како дел од мировната операција.

Покрај возењето со тенкот, Кејт се запознала и со членовите на тимот и дознала за нивната употреба на извиднички дронови.

ВИДЕО | Принцезата Кетрин утеши расплакано девојче за време на прошетка во Виндзор