Популарното американско списание „Пипл“ секоја година избира „Најсекси маж на годината“, а оваа титула ја доделува на згодни познати личности уште од далечната 1985 година.

Според „Пипл“ и неговите читатели, актерот Крис Еванс е најзгоден маж за 2022 година.

„Мојата мајка ќе биде многу среќна. Таа е горда на сѐ што правам, а ова е нешто со што навистина ќе може да се пофали“, искоментирал актерот, шегувајќи се.

 

View this post on Instagram

 

A post shared by People Magazine (@people)

За потребите на најновиот број на „Пипл“, Еванс направи фотосесија на фарма во Атланта, Џорџија. Иако делува дека целосно ја разбрал својата задача, позирајќи покрај камин, тој вели дека „попрво би скокнал во огнот, отколку да зборува за тоа дека е секси“.

„Навистина ми е тешко да зборувам за целава работа. Ми делува како да е чудна форма на скромно фалење“, рекол тој низ смеа.

Актерот вели дека му е попријатно да зборува за неговата кариера отколку за неговиот физички изглед. Сега, на 41-годишна возраст, Еванс се обидува да одржува здрава рамнотежа меѓу работата и приватниот живот и претпочита да поминува што е можно повеќе време со своето семејство во Бостон.

„Кога станува збор за барање улоги кои ќе ги глумам, најголем проблем е каде се снима филмот. Стар сум за да живеам во куфер шест месеци, сега сум во подобра фаза и среќен сум кога сум дома“, вели Еванс.

Исто така, тој размислува и за иднината во која се гледа како сопруг и татко.

„Тоа е нешто што навистина го посакувам. Но, не очекувајте дека ќе зборувам за тоа кога ќе се случи. Некои работи треба да си ги задржите за себе, за вашето семејство и за пријателите“, актерот е искрен.

Еванс има 22-годишна актерска кариера и смета дека е време да направи мала пауза.

„Најдобриот аспект во мојата кариера сега е дека се чуствувам доволно сигурен за да ја тргнам ногата од гасот. Сметам дека имам слобода да се повлечам малку од индустријата, а сепак да најдам проекти кои ќе го задоволат мојот креативен апетит кога ќе се вратам“, вели тој.

Зборувајќи за својот роден град, тој вели дека многу работи во врска со Бостон се секси.

„Градот има голема историја. Го обожавам акцентот. Според мене, акцентот е дом. Но, работата која е најсекси во врска со Бостон се универзитетите. Ние имаме многу добри училишта. Да му дадеме предност на образованието, тоа е толку секси“, одговорил Еванс на прашањето „Што е најсекси во врска со Бостон?“.

Минатата година, актерот Пол Руд беше прогласен за „Најсекси маж на годината“, а претходни носители на оваа титула беа Мајкл Б. Џордан, Дејвид Бекам, Крис Хемсворт, Двејн Џонсон, Адам Левин, Ченинг Тејтум, Бредли Купер, Рајан Рејнолдс, Бред Пит, Џони Деп, Хју Џекман, Џон Леџенд, Идрис Елба, Џорџ Клуни, Ричард Гир итн.