Италијанскиот слаткар Дарио Хартвиг ​​од Пиемонт направил божиќна торта позната како „панетоне“ со „Сваровски“ кристали за божиќните празници, пренесуваат италијанските медиуми.

Тортата обложена со златна фолија и украсена со кристали чини дури 900 евра за килограм. Кристалите го красат и пакувањето на традиционалните божиќни торти „панетоне“ во Италија. Во понудата е и торта обложена со сребрена фолија која чини 300 евра.

Italian ?? luxury bakery

The most expensive Panettone in Italy, covered in gold and Swarovski crystals

Here’s the story behind it ? pic.twitter.com/LtViX9MjTP

— Mambo Italiano (@mamboitaliano__) December 21, 2024

Ова не е првпат Хартвиг ​​да импресионира со своите ексклузивни креации. Тој еднаш направил панетон со вистински дијаманти во вредност од 300.000 евра за руски клиент. Неколку години подоцна, еден индиски клиент нарачал божиќна торта украсена со дијамантска белегзија и дијадема за 700.000 евра.

– Ваквите креации се прават само по нарачка, а дијамантите ги доставува купувачот – објаснил Хартвиг.

Инаку, „панетоне“ – колач од тесто со квасец збогатено со бадеми, суво грозје и зашеќерено овошје и „пандоро“ – ѕвездена торта со путер и шеќер во прав традиционaлно се јадат во многу италијански семејства од почетокот на декември до новогодишната ноќ – или за појадок со чаша капучино или како десерт по вечера со чаша пенливо вино.

 

View this post on Instagram

 

A post shared by Pilar y Joel ? (@tipfoodies)