ФОТО+ВИДЕО: Македонските фудбалери со победнички мисли патуваат за Грузија
Експедицијата на македонската А репрезентација денеска патува за Грузија, каде в петок, со почеток од 18.00 часот, ќе го игра петтиот претпоследен натпревар од групата „4“ од Лигата „Ц“ во Лигата на нации.
Препорачано
Мечот ќе се игра пред полни трибини во Тбилиси, а избраниците на селекторот Благоја Милевски ќе се обидат да дојдат што повисок триумф за да се одржат шансите за првото место кое носи повисок ранг во натпреварувањето и плеј-оф за Евро 2024.
Нашата селекција оди ослабена во Грузија без повредените Дарко Чурлинов, Стефан Ристовски, Ваљон Етеми, според последните информации повреден е и Аријан Адеми, а дополнително беше повикан само дефанзивецот на Шкендија, Егзон Бејтулаи.
Пред тешка мисија се нашите најдобри играчи, после високиот пораз (0:3) во Скопје против Грузија, противникот е во пол-позиција за освојување на првото место.
Потребен ни е триумф од четири или повеќе голови разлика за да бидеме подобри во меѓусебниот дуел, а потоа славиме (било каков триумф) и на 26 септември во Скопје против Бугарија.
Било каква победа помала од таа разлика во Тбилиси, во тој случај ќе мора да бараме „услуга“ од Гибралтар да биде непоразен во последното коло против Грузија.
