Македонската модна дизајнерка Моника Коцарева вчера ја претстави својата нова колекција на елегантни вечерни фустани во рамки на престижната Модна недела во Париз.

Настанот се одржа во луксузниот хотел „Ле Мароа“, чиј ентериер потсетува на времето на француската аристократија – со златни детали, кадифени елементи и кристални лустери, создавајќи совршена атмосфера за моден спектакл.

Манекенките продефилираа во раскошните креации на Коцарева пред бројната публика, а по завршувањето на ревијата, дизајнерката се појави на сцената заедно со својата ќерка.

Мајка и ќерка беа модно усогласени, облечени во црни тантелни фустани, оставајќи силен впечаток кај присутните.

Меѓу гостите на ревијата имаше и Македонци кои допатуваа во Париз за да ја поддржат младата дизајнерка. Пред настапот, Коцарева организираше фотосесија за новата колекција со поглед кон Ајфеловата кула, а дел од ексклузивните фотографии од зад сцената сподели на својот инстаграм-профил.

Фотосесијата ја изработи македонскиот фотограф со интернационална кариера БедСтеф, додека за шминката и фризурата на моделите се погрижи Октај Сејди.