Кучето Чико, кучето кое е ѕвезда и инфлуенсер на Интернет, од неодамна доби и престижна улога како дигитален амбасадор на Зимските олимписки и параолимписки игри Милано-Кортина 2026 година, пишува „Италијан пост“.

Чико е од расата Малтипу, има речиси две години и ќе стане дел од тимот за креирање на содржини, чија задача ќе биде да ги промовираат вредностите на спортот, пред овој важен спортски настан во 2026 година.

Кучето Чико, на Инстаграм е потпишано како (@iosonochico_), а заедно со сопственикот Франческо Таверна, на свој разигран и интересн начин ќе ги забавуваат своите следбеници, раскажувајќи ја приказната за олимпискиот и параолимпискиот свет на Милано-Кортина 2026 година.

Кучето кое ги сака спортовите, снегот и природата ќе биде првиот дигитален амбасадор со шепи во историјата на Олимписките игри.

Ќе ги претставува шампионите, како и сите вредности кои стојат зад сите настани поврзани со Олимписките игри. Тој исто така ќе покажува што се случува зад сцената на Организацискиот комитет Милано-Кортина 2026 година.

Чико е веќе активен на социјалните мрежи, а првата епизода е веќе достапна на социјалните канали на Милано-Кортина 2026 со скоро 1 милион прегледи за неколку часа. На видеото Чико слетува во Кортина д’Ампецо за еден од главните спортови на следните Игри во 2026 година.

Соработката со кучето Чико беше претставено истовремено со официјалниот „Ватсап“ канал на Олимписките игри и на овој начин љубителите на спортот ќе можат да ги следат сите авантури и новитети поврзани со зимските спортови.

Во продолжение погледнете го видеото: