Овој месец „Крокс“ воведе линија на обувки за кучиња кои ќе бидат достапни за купување од 23 октомври. Еден модел на чизми за кучиња „Крокс“ моментално е достапен во две бои – зелена (Green Slime) и розова (Dragon Fruit), по цена од 49,99 евра.

Овие чизми за домашни миленици се создадени во партнерство со компанијата за опремата за домашни миленици „BARK“. Тие се дел од годишната кампања „Croctober“, за време на која тие презентираат производи инспирирани од предлозите на обожавателите.

Новиот производ на „Крокс“ веќе привлече големо внимание, а се чини дека повеќето луѓе го одобруваат. „Ми требаат, ги сакам Крокс“, „Земете ги сите мои пари“, „О, Боже мој“, „Мојот булдог би изгледал одлично во розови крокси“, „Морам да ги добијам овие“, „На моите кучиња им требаат овие“ , „На моето куче и на мене ни треба исти Крокс“.

Аналитичарите велат дека влегувањето на „Крокс“ во индустријата за домашни миленици не е само уште еден маркетиншки трик што го привлекува вниманието – туку показател за силата на неговата база на лојални обожаватели.

Иако често е исмејуван од модните експерти, можеби токму поради тоа, „Крокс“ успеа да зацрта свое место во поп културата. Неговата популарност како интернет феномен и тенденцијата да стане вирална дополнително ја зголемија соработките со познатите ѕвезди како Џастин Бибер и Бед Бани.