Во низа српски градови попладнето и вечерва започнаа собири на приврзаници на српскиот претседател Александар Вучиќ, додека во Белград, Нови Сад, Чачак и повеќе други градови, паралелно се закажани и граѓански протести на противниците на владејачката Српска напредна партија.

На социјалните мрежи се објавени дрон-фотографии од собирите на „граѓаните против блокади“, на дел од кои се гледаат десетици автобуси со кои биле доведени учесниците.

Srbija protiv blokada #Požarevac #caosvima pic.twitter.com/iVYRfqEA03

— Lice sa korice (@radimepravda) September 28, 2025

Досега се забележани неколку инциденти. Како што јавува „Н1“, пред зградата на Јавниот сервис полицијата агресивно ги потиснувала демонстрантите дојдени да изразат поддршка на студентите, за да ги спречи да дојдат во контакт со поддржувачите на власта. Еден демонстрант бил уапсен.

На собирот на приврзаниците на Вучиќ во Белград излегле и неколкумина високи државни функционери.

Инциденти имало и во Богатиќ, каде биле повредени двајца полицајци, при судир со насобраните демонстранти. Во Чачак, според организаторите на протестот, полицајци со пендреци претепале двајца граѓани.