Сесилија Бломдал живее со својот партнер Кристопфер и кучето Грим во еден од најсеверните градови во светот – во близина на Лонгјербиен на островот Спитсберген. Станува збор за место на норвешкиот архипелаг по име Свалбард, во Арктичкиот океан, кој се наоѓа во близина на Северниот пол.

Животот на Свалбард не е лесен. Тоа го докажуваат и видеата на јутјуб-каналот на Сесилија каде ја следат повеќе од 800.000 луѓе.

@sejsejlija Day 1 of ice bathing! I was inspired by @Jordan to get back into my ice baths! So I got myself a tub ?? #svalbard #longyearbyen #cabinlife ♬ snowfall – Øneheart & reidenshi

На островот на крајот на северот на Европа ништо не расте, храната ја доставуваат со бродови и авиони. Тоа се одрзува и на цените, во единствената продавница што ја имаат таму.

Поради географската локација, деновите овде изгледаат поинаку. Постојат три главни сезони во Свалбард: поларно лето, поларна зима и соларна зима. Во периодот од ноември до февруари нема сонце, но често ја гледаат северната светлина.

Сонцето не заоѓа 100 дена

Сонцето не заоѓа 100 дена во годината – од крајот на април до крајот на август, во Свалбард трае поларниот ден, што може да го наруши нормалниот сон на жителите. Од крајот на октомври до средината на февруари, сепак, трае поларната ноќ, а за време на овој природен феномен е темно 24 часа на ден.

Сонцето изгрева на почетокот на март, кога градот го подготвува и слави. Оттогаш до мај трае сончевата зима. Од мај до септември е време на поларно лето и таканареченото полноќно сонце, што им го отежнува спиењето на оние кои не се навикнати на тоа.

Носењето огнено оружје овде е сосема нормално бидејќи на овој остров има повеќе поларни мечки отколку луѓе. Може да нападнат и навидум мирни поларни мечки со долго бело крзно, па луѓето со себе носат оружје кога ќе ја напуштат куќата.

Колку и да звучи чудно, мачките се забранети во Свалбард. Причината е околината. Во овој изолиран екосистем, има толку малку птици што дури и тие се заштитени со забраната за мачки.

Само една продавница

Во Свалбард ништо не расте, ништо не успева, па луѓето увезуваат храна со бродови и авиони, што влијае и на цените. Svalbardbuttiken е единствениот супермаркет во Свалбард и нуди типични производи – од зеленчук и овошје, месо и риба до козметика, опрема за домаќинство и слични потреби.

Затоа не е чудно што цените на свежата храна се доста високи.

Сесилија овде го прави својот неделен шопинг, а на месечно ниво троши околу 1.200 евра за двајца. Како, се прашувате?

Помало пакување свежи пилешки гради без коски чини 165 норвешки круни или околу 14 евра. Шест ролни тоалетна хартија чинат 7,5 евра, килограм банани околу 3 евра, а авокадо дури 4 евра.

Јајцата се изненадувачки евтини имајќи предвид дека храната се увезува со брод и авион, па така во Свалбард 18 јајца чинат нешто помалку од 4,75 евра.

Секој што е подготвен да ризикува со истечен рок на траење може да купи многу евтино во оваа единствена продавница на островот.

– Ако на храната и истекол рокот, продавницата ќе ви даде голем попуст од 50 до 70 отсто само за да се ослободи од неа – вели Бломдал во своето видео.

Што можете да купите во Свалбард и колку чини храната на овој норвешки архипелаг, погледнете во видеото на Сесилија Бломдал.

ВИДЕО | Во најсеверниот град на Земјата не е дозволено раѓање, а умирањето е забрането со закон