Eкипата на Шкендија со минимален пораз 0-1 го завврши првиот натпревар против Карабах на арената „Тодор Проески“ во рамките од третото квалификациско коло oд Лигата на шампионите.

Беше Шкендија рамноправен противник во најголемиот дел од натпреварот и не дозволи гостите да доминираат, меѓутоа еден детал во првото полувреме го одлучи победникот.

Се играше 18. минута кога Карабах доби најстрога казна по реакција на ВАР собата, а пеналот во гол го претвори Бајрамов.

Во продолжение гледавме речиси идентична слика до крајот на полувремето, но и во вториот дел. Најмногу се играше на половината на македонскиот претставник, но тоа беше без некоја сериозна иницијатива.

Шкендија од друга страна на моменти знаеше да се закани најчесто преку капитенот Ибраими, меѓутоа изостанаа оние 100% прилики.

Сега пред Шкендија е реваншот на гостински терен во Азербејџан за седум дена кога тетовскиот клуб ќе се обиде да ја надополни оваа негатива.