Секој познава по некој носталгичар по убавото шарено време на 80-тите години. Еден таков пример е инфлуенсерката која го посветила својот живот на чествувањето на овој многу сакан период.

Како ништо да не се променило од 80-тите

Вајолет Скај слуша музика од тоа време, се облекува како што се облекувале тогаш и споделува видеа со своите следбеници со помош на филтер кој потсетува на видеорекордери. Има густа и многу кадрава коса, шишки кои делумно ѝ ги покриваат очите кои ги шминка со сина сенка за очи и носи измиени фармерки со висок струк и прав крој.

„Пораснав обожавајќи ретро и винтиџ работи. Мајка ми пораснала во 60-тите и 70-тите, и јас така пораснав. Потоа се ослободив и сакав да го најдам својот пат“, вели Вајолет, која станала зависна од филмови во 1980-тите.

 

View this post on Instagram

 

A post shared by Violet Sky (@glitterwave80s)

„Го гледав филмот „Girls Just Wanna Have Fun“ од 1985 година и беше одлично. Почнав да гледам се повеќе филмови од 80-тите и да ја слушам музиката од таа ера. Потоа почнав да собирам работи од 80-тите и да размислувам зошто да не и облека. И така стана огромна опсесија и еве сум“, изјави таа за „TueNight“.

Таа е обожавател на бендот Дуран Дуран, Рик Спрингфилд и старите добри касети, а 20-годишната девојка вака живее во последните пет години. Облеката најчесто ја купува во винтиџ продавници.

@glitterwave80s #ad My favorite decade is the ‘80s-whats yours? Stream classic shows on Pluto TV! #PlutoTVDecades ♬ Shiina Ringo-like battle cool jazz – NakayamaNorikazu(BGM)

„Скоро сè што купувам е веќе користено. Одам во специјална продавница за облека каде имаат еден тон испран тексас, а потоа прегледувам некои понови брендови“, вели Виолет.

Смета дека денес сè е сиво и досадно

Таа вели дека се уште бара соодветен автомобил, но дека некои работи од 80-тите денес не се достапни.

„Автомобил од 80-тите, како Камаро или слично. А тоа не е многу паметна одлука бидејќи најверојатно ќе се расипе. Што се однесува до другите работи, секогаш можете да купите касети и филмови за видеорекордери, но таа врска со повикување некого на телефонска линија, без Интернет и социјални медиуми – начинот на комуникација е многу поинаков од тогаш. И би сакала да можам да ја разберам таа поранешна едноставност“, вели оваа посветена обожавателка на 80-тите.

 

View this post on Instagram

 

A post shared by Violet Sky (@glitterwave80s)

Вајолет најмногу ја интересира едноставноста, за која повеќето нејзини пријатели немаат интерес.

„Ги познавам цел живот и не им е интересно, само мојата пријателка Рони која ја запознав на „Инстаграм“ и излезе дека живее многу блиску до мене. Поголемиот дел од мојата заедница е всушност онлајн. Ние не живееме блиску, но имаме големи групни разговори“, рече таа, откривајќи дека нејзините омилени предмети што ги поседува се бумбокс, неонски телефон и ламба од 80-тите.

 

View this post on Instagram

 

A post shared by Violet Sky (@glitterwave80s)

Смета дека тогашната музика била многу подобра, но и целокупниот стил.

„Сега сè е минималистички и во неутрални тонови, особено дизајнот на ентериерот. Порано имаше неонски знаци во трговските центри и беше кул. Сега сè е бело и сиво, досадно”, заклучува Вајолет.