ФОТО+ВИДЕО | Испиша историја: Ријана го покажа трудничкиот стомак на Супербол
Ријана имаше одличен настап, прв после седум години, за време на полувремето од финалниот натпревар Супербол на Националната фудбалска лига (НФЛ).
Препорачано
-
1
-
2
-
3
Таа ги испеа сите нејзини поголеми музички хитови кои ѝ ја одбележаа кариерата, почнувајќи од „B— Better Have My Money“, па потоа „Where Have You Been?“, „Only Girl in the World“, „We Found Love“, „Rude Boy“, „Work“, „Wild Thoughts“, „Pour It Up“, „All of the Lights“, „Run This Town“, „Umbrella“ и заврши со „Diamond“.
Што се однесува со сценографијата, пејачката го започна настапот на голема висечка платформа, по што се спушти на сцената и им се придружи на останатите танчари.
За време на целиот настап, Ријана носеше една модна комбинација – впечатлив црвен комбинезон, дијамантски обетки и портокалови патики на луксузната француска модна куќа „Маргиела“ во соработка со „Саломон“. За нејзината последна песна, таа облече и црвено палто од модната куќа „Алаја“ и ракавици од модниот дизајнер Питер Мулие.
View this post on Instagram
Сепак, најголемото изненадување на вечерта беше нејзиниот труднички стомак и со тоа испиша историја – Ријана е првата бремена пејачка која настапувала на полувремето на Супербол.
Како потсетување, Ријана и нејзиниот партнер Ејсап Роки станаа родители на нивното прво дете во мај минатата година, а сега ќе имаат уште една принова во семејството.
Како што може да се забележи од објавите на социјалните медиуми, среќниот татко со насмевка го следел настапот на својата сакана.
View this post on Instagram
За време на прес-конференција во четвртокот, Ријана откри дека нејзиниот син е една од главните причини поради која го прифатила предизвикот да настапи на Супербол.
„Кога една жена станува мајка, таа има чувство дека може да го освои светот. Таа може да направи сѐ, па дури и ‘Супербол’, која е една од најголемите сцени на светот. Па, колку и да беше страшно, има нешто возбудувачко во врска со овој предизвик и ми беше важно да го прифатам оваа година. Важно ми е мојот син да го види овој настап“, изјави пејачката.
Дефинитивно, Ријана одлично одговори на предизвикот и им приреди ноќ за паметење на нејзините обожаватели!
Целосниот настап, објавен на официјалниот јутјуб-канал на НФЛ, можете да го погледнете на овој линк.
Целиот настап:
ВИДЕО | Ријана подготвила 39 верзии на шоуто за Супербол: Кое ќе го видиме ние?
