Во швајцарскиот град Луцерн синоќа се одржа доделувањето на  37. Европски филмски награди, каде што мјузиклот на Жак Аудиар во крими трилер „Емилија Перез“ (Emilia Pérez) освои награди во четири категории: европски филм, европски режисер, европска актерка за Карла Софија Гаскон и европски сценарист.

Во филмот играат и Зои Салдана, Селена Гомез и Адријана Паз.

 

View this post on Instagram

 

A post shared by Selena Gomez (@selenagomez)

Интересно е што филмот „Емилија Перез“ ги освои истите награди како и минатогодишниот главен кандидат за Оскар, судската драма „Анатомија на падот“ (Anatomy of a Fall), на Џастин Триет, пишуваат медиумите.

Карла Софија Гаскон, исто така, влезе во историјата како првата транс актерка што ја освоила наградата за најдобра актерка.

Во филмот „Емилија Перез“ таа ги глуми двата пола: шеф на мексикански нарко картел кој одлучува да го промени полот и да добие нов, женски идентитет.

Наградата за најдобра машка улога не ја доби ниту еден од неколкуте многу етаблирани актери кои беа номинирани (Даниел Крег, Ларс Ајдингер, Ралф Фајнс).

Наградата ја освои афро-францускиот актер Абу Сангаре за францускиот филм „Приказната на Сулејман“ на Борис Лојкин. Во филмот Сангаре глуми азилант кој прави сè за да избегне депортација.

Филмот „Човекот кој не можеше да молчи“ (Čovjek koji nije mogao šutjeti) на хрватскиот автор Небојша Слијепчевиќ ја доби наградата на ЕФА за најдобар краток европски филм по избор на гласачите на Европската филмска академија.

„Човекот кој не можеше да молчи“ претходно ја освои и наградата за најдобар краток филм на фестивалот во Кан, така штп ги спои двете најпрестижни награди што можат да се добијат во европскиот филм.