По вчерашната герила акција на здружението „Кој е следен“ во која тие поставија 100 транспаренти со пораки кон власта и државните институции на повеќе локации низ главниот град, утринава пред Основното јавно обвинителство можеа да се забележат ливчиња со имињата на жртвите од трагичниот пожар во Кочани и пораки кон власта и обвинителството, поставени од Црвена младина, подмладокот на политичката партија Левица.

„Ништо нема да ја пополни дупката од најголемата загуба на нашата генерација и да го задуши гневот на младината – правдата мора да биде задоволена!“, порачаа од Црвена младина во нивната објава.