Шеикот Хумајд Абдула Албукаиш од Дубаи стекна голема популарност на социјалните мрежи благодарение на своите необични миленици. Тој чува тигри, лавови, гепарди, змии, волци, па дури и мечки како домашни миленици.

Скоро секој ден на својот Инстаграм профил, каде го следат повеќе од четири милиони луѓе, Хумајд објавува фотографии и видеа од своите егзотични животни.

Овој милионер без никаков страв им ги става рацете во устата на своите миленици, си игра со нив, се „тепа“, ги вози во скапи автомобили и јахти.

Многумина го критикуваат во коментарите за неговото необично хоби и му пишуваат дека неговите животни заслужуваат живот во дивината, но на Хумајд ништо не му значат негативните коментари.

Со оглед на тоа дека во Обединетите Арапски Емирати е нелегално да се чуваат големи мачки како домашни миленици, не е познато како Хумајд има толку многу диви животни и без проблем ги објавува во јавноста.