Американската пејачка и кантавторка Алиша Кис имаше необичен и неочекуван настап на железничката станица „Сент Пакрас“ во Лондон, Велика Британија.

Имено, добитничката на 15 музички награди Греми ја направи својата музичка изведба на црно пијано, донирано на станицата од британскиот пејач Елтон Џон.

Кис пееше и свиреше десетина минути, а насобраната публика ја фотографираше и силно ѝ аплаудираше.

Таа ги отпеа нејзините четири хита, „Empire State of Mind“, „If I Ain’t Got You“ и „No One“, како и песна од новиот игран филм „Бојата на пурпурот“ („The Color Purple“), кој е филмска адаптација на истоимениот роман на Алис Вокер од 1982 година, а книгата имаше и свој мјузикл од Бродвејскиот театар. „Бојата на пурпурот“ ќе ја доживее својата премиера на 25 декември годинава.

Алиша Кис пристигна во Лондон за да настапи на концерт во О2 арена, во организација на една британска радиостаница.