Актерот Адам Сендлер приреди незаборавно изненадување на 97. доделување на Оскарите, привлекувајќи внимание со своето лежерно издание и забавувајќи ја публиката за време на монологот на Конан О’Брајан.

Додека холивудските ѕвезди пристигнаа на најважната холивудска вечер облечени во најелегантни комбинации, Адам Сендлер се појави во сосема опуштено издание – во хавајска кошула, црно-сини кошаркарски шорцеви и светлосин дуксер со логото на брендот „Авијатор нејшн“ од Лос Анџелес, задржувајќи го својот препознатлив хумор.

Водителот на вечерта, Конан О’Брајан, се пошегува на сметка на необичниот изглед на Сендлер.

„Адаме, што е тоа што го носиш?“ го праша и додаде дека изгледа „како тип што игра видеопокер во два по полноќ“.

Сандлер му возврати: „Никој дури и не размислуваше за тоа што носам додека ти не го спомена!“.

„Конане, знаеш што? Ми се допаѓа како изгледам затоа што сум пристојна личност. Не ми е важно што носам или не носам. Навистина ли почувствува потреба да ме исмееш пред колегите само затоа што облеков слатки шорцеви за теретана и мек дуксер?“, му одговори тој.

Сандлер потоа стана и објави дека го напушта настанот, поканувајќи ги сите присутни да му се придружат таа вечер во „Ветеран парк“ на кошаркарски натпревар. Потоа драматично го напушти театарот „Долби“. Пред да замине, дојде до актерот Тимоти Шаламе, кој беше номиниран за својата улога во филмот „Целосно непознат“ („A Complete Unknown“) и му ја бакна главата.

lol Adam Sandler (in shorts and a sweatshirt) interrupting Conan O’Brien’s Oscars monologue to run up to Timothée Chalamet and hug him

“Chalamet!!!!!!!” pic.twitter.com/F8dvRleEL9

— Spencer Althouse (@SpencerAlthouse) March 3, 2025