Професор од Мексико е обвинет дека ги прекршил човековите права и дека ги понижил своите студенти, бидејќи ги натерал за време на испит на главите да носат картонски кутии.

Протесорот Луис Хуарез Тексис, за мексиканските медиуми изјавил дека на тој начин само сакал да ги спречи студентите да не препишуваат.

Фотографијата е објавена на социјалните мрежи и родителите на студентите веднаш реагирале.

– Тоа е чин на понижување Тој професор и физички и психички ги малтертираше нашите деца. Ги молиме федералните и државните власти, како и институциите веднаш да му дадат отказ на Луис Хуарез Тексис, професор и директор на кампус. Се надевам дека нема лесно да се помине преку новиот тип на насилство и ги повикуваме властите веднаш да реагираат“, стои во соопштението на родителите на Фејсбук.

Фотографијата од студентите е објавена минатата недела и предизвикала бројни реакции.
„Професорот тоа го направил на генијален начин. Тој не ги повредил студентите, а родителите би требалои да бидат повеќе загрижени за тоа како нивните деца учат, а не да се грижат за кутиите“, пишува во еден од коментарите на социјалните мрежи.

Слична пракса примениле и професори во 20143 година во Тајланд. Студентите за време на испит на глава морале да носат „кациги“ од хартии, со помош на кои не можеле да гледаат на туѓи испити.