ФОТОГАЛЕРИЈА | Северна Кореја ја лансираше првата подморница за тактички нуклеарен напад
Северна Кореја ја лансираше својата прва оперативна тактички нуклеарна нападна подморница и ја додели на флота која патролира во водите меѓу Корејскиот полуостров и Јапонија.
Препорачано
Севернокорејскиот лидер Ким Јонг-ун, кој присуствуваше на церемонијата, рече дека има итна потреба да се вооружи морнарицата со нуклеарно оружје и вети повеќе бродови опремени со тактичко нуклеарно оружје.
Како што соопшти Корејската централна новинска агенција, Ким изјавил дека подморницата број 841, именувана по севернокорејската историска личност Ким Кун-ок, ќе биде една од главните „подводни офанзивни средства на севернокорејската морнарица“.
Тој додаде дека „постигнувањето брз развој на поморските сили е приоритет што не може да се одложи, со оглед на неодамнешните агресивни потези и воени дејства на непријателот“.
Не е познато со какви проектили ќе биде вооружена новата севернокорејска подморница, ниту дали Пјонгјанг целосно го развил производството на соодветни нуклеарни боеви глави потребни за монтирање на такви ракети, наведува Ројтерс.
Програмите за нуклеарно оружје и балистички ракети на Северна Кореја се забранети со резолуции на Советот за безбедност на Обединетите нации, а лансирањето на нова подморница најостро го осудија Јужна Кореја и Јапонија.
