ФОТОГАЛЕРИЈА | Ноќ на модата и филмот: Холивудските ѕвезди во гламурозни тоалети блеснаа на црвениот тепих
Четвртата по ред гала на Музејот на Академијата синоќа го осветли Лос Анџелес со своите ѕвезди – Никол Кидман, Деми Мур, Селена Гомез, Ким Кардашијан…
Препорачано
Во духот на гламурот на Стариот Холивуд, Ким Кардашијан на настанот се појави во винтиџ издание – корсет и наметка со качулка од архивската колекција на Тиери Муглер во пролетта 1998 година.
За изгледот на реалити ѕвездата се погрижи нејзиниот долгогодишен стилист Дани Леви, а изгледот го заокружи со ПВЦ чевли и дијамантско ланче.
Иако изборот на обувки има поделени мислења, проѕирните модели како овој често се користат за да се создаде илузија на висина и поиздолжена фигура.
Кендал Џенер, која носеше креација на „Schiaparelli“, на гламурозниот настан дојде со нејзината сестра Кајли.
За оваа специјална пригода Никол Кидман носеше елегантен и сензуален фустан од „Баленсијага“.
Деми Мур изгледаше неверојатно во темно виолетова креација со длабоко деколте и исечок кој ги истакна нејзините затегнати нозе.
За винтиџ изгледот на Аријана Гранде се погрижи француската модна куќа „Balmain“.
