Славната модна дизајнерка Вера Вeнг се чини дека никогаш не старее, 74-годишната дизајнерка редовно ги воодушевува своите обожаватели, а сега ја откри тајната за младешкиот изглед – и тоа е сосема неочекувано.

Можеби сте мислеле дека модната икона Вера Венг јаде супер здрава храна, избегнува алкохол и поминува часови во теретана за да одржи совршена фигура и да ги избегне знаците на стареење.

Славната дизајнерка, која изгледа како девојка, откри дека јаде брза храна, ужива во крофни полни со крем и во коктели од вотка.

Вера на една гала вечера во Њујорк признала: „Јадам „Мекдоналдс“, го нарачувам секој ден, околу две недели, а потоа правам пауза. Сакам и крофни полнети со крем, зашеќерени. Како крофна од желе, но внатре со крем од ванила. Ми се допаѓа и розовата крофна со чоколадни трошки“.

Сепак, се чини дека не е сè во храната. Таа додава дека нејзината силна работна етика, исто така, ѝпомага да остане млада во телото и умот: „Во суштина, работам цел живот, па всушност тајната на мојот изглед е во работата“.

„Мислам дека работата ве одржува млади и стимулирани. Работам многу долго, одгледав две ќерки. Мислам дека да се биде зафатен е најдобриот лек за добро здравје“.

Вера и претходно ги истакна придобивките од работата во однос на пензионирањето, велејќи дека нејзината компанија, која ја започнала на 40-годишна возраст, го одржува нејзиниот ум, тело и душа млади.

Вера тогаш рекла: „Работата беше мојот спас што со текот на годините ја крена мојата самодоверба и постави нови предизвици“.

Вера исто така нагласи дека умот е помоќен отколку што било кој некогаш може да разбере. Предизвиците кои ни ги претставуваат работата и животот се тие што нè туркаат напред.

Сепак, Вера откри дека сака голтка вотка на крајот од денот: „Една од работите што сакам да ги правам е да пијам коктел од вотка. Пијам вотка во одреден момент по пет или шест часот, до седум“.

Други работи што таа мисли дека се многу важни за да изгледате толку добро во вашите 70-ти години се избегнувањето на сонцето – познат фактор за предвремено стареење – како и девет часа сон и квалитетен одмор.

Таа исто така додава дека, иако светот е опседнат со нејзиниот изглед, таа самата не е премногу „окупирана“ со себе, но признала дека се плаши од други аспекти на стареењето.

„Повеќе се плашам од физички инвалидитет, не од сето ова“, рекла дизајнерката.

„Не сум целосно опседната со изгледот. Ја сакам својата работа и многу сум страстна за мојата работа, за моите пријатели, за моите ќерки. Мислам, имам многу исполнет живот“.

Звучи како добра формула за успех!

ФОТО | Времето не поминува за неа: Вака изгледа Вера Ванг на 73-тиот роденден

ВИДЕО+ФОТО | „Потсетување дека оваа жена има 73 години“: Вера Ванг заблеска на црвениот тепих на БАФТА