ФОТО | Зејн Малик со трогателна фотографија се прости од Лијам: Изгубив брат, сѐ би дал да те прегрнам за последен пат
По трагичната смрт на Лиам Пејн (31), на 16 октомври, неговите поранешни колеги од „Уан дајрекшн“, Хари Стајлс, Ниал Хоран, Луис Томлинсон и Зејн Малик му оддадоа заедничка трогателна почит на пејачот. А, потоа, секој од нив на свој начин се прости од саканиот колега на Инстаграм.
Препорачано
Зејн Малик со срцепарателна објава и фотографија се прости од Лијам. Зејн сподели нивна стара фотографија на која спијат.
„Лијам, се фатив себеси како зборувам гласно со тебе, надевајќи се дека ќе можеш да ме слушнеш. Не можам, а да не мислам дека имаше уште толку разговори што требаше да ги водиме во нашите животи. Никогаш не успеав да ти се заблагодарам што ме поддржуваш низ некои од најтешките моменти во мојот живот. Кога ми недостасуваше домот како 17-годишно дете, ти секогаш беше тука со позитивен поглед и охрабрувачка насмевка и ми даваше до знаење дека си мој пријател и тоа многу го сакав“, напиша Зејн.
„Иако беше помлад од мене, секогаш беше поразумен од мене, беше одлучен, полн со мислења и не ти беше грижа што ќе им кажеш на луѓето кога не се во право. Иако поради тоа неколкупати имавме несогласувања, јас секогаш тајно те почитував поради тоа“, продолжил Зејн.
„Кога станува збор за музиката, Лијам, ти беше најквалификуван во секој поглед. Во споредба со тебе, не знаев ништо, јас бев почетник, а ти веќе беше професионалец. Секогаш знаев дека што и да се случи на сцената, можеме да се потпреме на тебе. Кога си замина, изгубив брат.
Не можам да ти опишам што би дал за да можам уште еднаш да те прегрнам и да се збогувам со тебе, да ти кажам дека многу те сакав и почитував. Секогаш ќе ги чувам нашите спомени. Не постојат зборови кои би објасниле како се чувствувам во моментов, освен уништено. Каде и да си сега, се надевам дека си добро и да знаеш колку си сакан. Те сакам, брат“, заклучил Зејн.
Потсетуваме, 31-годишниот пејач падна од третиот кат во дворот на хотелот „КасаСур“ во главниот град на Аргентина. Како последица на повеќе повреди, Лијам починал на лице место.
ФОТО | Се огласи семејството на Лијам Пејн: „Срцата ни се скршени, ве молиме за приватност“
