На 29 март во општина Ѓорче Петров – Скопје се одржа Државно првенство за сениори, Карате клубот “ЗАНШИН ДО„-БИТОЛА настапи во две категории и тоа во ката тим жени и ката тим мажи.

За првпат по 58 години од кога постои Карате федерацијата на Македонија (КФМ), каратистите од Битола се најдоа на пиедестал во сениорска категорија.

Битолчани се закитија со два пехарa, сребрен и бронзен медал.

Сребрен медал во ката тим мажи освоија Давид Стојчевски, Михаил Марковски и Тони Кулевски, додека со бронза во ката тим се закитија Стефанија Петковска, Леона Алиловска и Емилија Илковска.

– Започнуваќи од претходната сезона 2024 година, па продолжуваќи сега се нижат успеси со историски пресврт за Битола во КФМ. Горда сум како тренер бидеќи овие резултати кои ги постигнуваме како клуб ја издигнуваат Битола на пиедестал со врвните каратисти во државата – се зборовите на тренерот на К.К.“ЗАНШИН ДО„-БИТОЛА, Стевка Јанковска Петковска.