Париската модна недела секоја година собира врвни дизајнери, славни личности и модни инфлуенсери од целиот свет. Една од највпечатливите ѕвезди на овогодинешниот настан беше Тамара Калиниќ, која со својот смел и елегантен изглед успеа да привлече огромно внимание.

Познатата инфлуенсерка и овој пат беше меѓу поканетите на ревиите на најпрестижните модни куќи, вклучувајќи ја и онаа на „Валентино“. За оваа пригода, таа одбра креација од „prêt-à-porter“ колекцијата за пролет/лето 2025, дизајнирана од Алесандро Микеле – неговото прво претставување за „Валентино“, по седумгодишното искуство во „Гучи“.

Целиот изглед беше беспрекорно стилизиран – тантелести чорапи, салонки во црна и црвена боја украсени со нитни и чанта со препознатливото лого на „Валентино“.

Сепак, и покрај внимателно избраните детали, модниот додаток што најмногу привлече внимание беше нејзиниот накит на усните. Овој необичен, но елегантен избор целосно го засени остатокот од нејзиниот стајлинг, оставајќи впечаток дека понекогаш токму аксесоарите можат да бидат најважниот моден момент.

Дури и нејзиниот веренички прстен, кој ретко го симнува, остана во сенка на овој впечатлив детаљ.

Со ова појавување, Тамара Калиниќ уште еднаш покажа дека е вистинска модна икона која храбро ги носи најновите трендови.

ФОТО+ВИДЕО | Сите погледи кон Тамара Калиниќ: Најпознатата српска инфлуенсерка зачекори на црвениот тепих во Кан