Во страотна автобуска несреќа во Тајланд загинаа 18 лица. Двокатниот автобус, во кој имало вкупно 49 лица, меѓу кои и претставници на локалните власти, излетал од патот додека се спуштал по ридот во провинцијата Прачин Бури, источно од главниот град Бангкок. Според првичните информации откажале сопирачките на автобусот.

„Седумнаесет лица се пронајдени мртви на самото место, а уште едно им подлегна на повредите во болница“, изјави полицаец.

Eighteen people were killed and 32 others injured when a bus taking people on a community study tour overturned on a downhill road in Nadi district of Prachin Buri early on Wednesday.

Listen to the story or get the full story in the 1st comment.#bus #prachinburi #roadaccidents… pic.twitter.com/NUgfO7fcTe

— Bangkok Post (@BangkokPostNews) February 26, 2025

„Го испрашавме возачот и тој сведочеше дека не функционирале сопирачките додека автобусот се движел по падината“, додаде тој.

Тајланд е познат по сообраќајните несреќи што секоја година се забележуваат на неговите патишта, поради лошата состојба на инфраструктурата, употребата на небезбедни возила и опасните практики на многу возачи.

Околу 20.000 луѓе годишно умираат во сообраќајни несреќи во кралството на Југоисточна Азија, или околу педесет дневно, додека населението е нешто повеќе од 70 милиони, според бројките на Светската здравствена организација (СЗО) за 2023 година.

Во октомври, пожар што избувна во училишен автобус со тајландски ученици на екскурзија уби 23 луѓе на автопат во Бангкок. Тоа беше најтешката сообраќајна несреќа забележана во Тајланд во последните десет години.