Шон Норфлит/Џек Николсон/Фото: Принтскрин/Инстаграм/ EPA/PAUL BUCK

ФОТО | Внукот на Џек Николсон уапсен за напад на жена: Му се заканува казна затвор до четири години

Шон Норфлит, најстариот внук на славниот актер Џек Николсон, е уапсен во вторникот во Лос Анџелес под сомнение за семејно насилство.

Најстариот внук на холивудската легенда Џек Николсон, Шон Норфлит (29), роден како Шон Најт Николсон, е приведен под обвинение дека физички нападнал засега сè неименувана женска личност. Според судските документи, тој бил ослободен од притвор истиот ден откако платил кауција од 50.000 долари.

Шон Норфлит/Фото: Принтскрин/Инстаграм

Засега не се познати повеќе детали за инцидентот, а официјалниот одговор на полицијата во Лос Анџелес, како и на портпаролот на неговиот дедо Џек Николсон, сè уште се очекува.

Норфлит треба да се појави на суд на 26 август и се соочува со затворска казна до четири години доколку биде осуден.

 

 

View this post on Instagram

 

A post shared by People Magazine (@people)

Шон Норфлит е син на Џенифер Николсон, најстарата ќерка на Џек Николсон, која ја доби со поранешната сопруга Сандра Најт. Џенифер Николсон има уште еден син, Дјук (26), кој го дели со поранешниот сопруг Марк Норфлит. Поранешните сопружници беа во брак од 1997 до 2003 година.

Според претходните медиумски извештаи, Шон Норфлит студирал филм на колеџот Емерсон пред да се посвети на музичката продукција. Неговиот брат Дјук постигнал актерска кариера, глумејќи во филмовите „Нас“ и „Земја на соништата“, меѓу другите.

Шон Норфлит/Фото: Принтскрин/Инстаграм

Џек Николсон, добитник на Оскар и филмска икона, има вкупно шест деца од различни врски: Кејлеб Годард (54) го доби со актерката Сузан Анспах, Хани Холман (43) со моделот Вини Холман, Лорејн (35) и Реј (33) со актерката Ребека Брусард и Теса Гурен (30) со Џенин Гурен. Николсон има и три внуци благодарение на неговата ќерка Хани, имено Волтер (14), Дејзи (13) и Хенк (8).

ФОТО | По две години криење се појави во јавност: Џек Николсон има 84 години и изгледа одлично

Џек Николсон ги изненади обожавателите: По две години се појави во јавноста

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот