Една од внуките на принцезата Дијана, Лејди Елиза Спенсер, се вери во романтичната атмосфера на автентичниот Санторини, еден од најубавите острови во светот. Овој кикладски грчки остров во Егејското Море е една од најпосетуваните дестинации со децении, а заедно со блискиот Миконос се едни од најпосетените места од страна на светскиот џет-сет.

Уживањето во незаборавните зајдисонца од Фира или Оја и погледот на вулканската Калдера, инспирира многу парови да го изберат токму ова место за да го кажат своето судбоносно „Да“. Свадбите или запросувањата се секојдневна појава овде.

Ова е островот на кој бизнисменот Ченинг Милард, долгогодишниот партнер на Лејди Елиза Спенсер, убавата внука на покојната принцеза Дијана, го избра да клекне на едно колено и да ја побара раката на својата сакана.

 

View this post on Instagram

 

A post shared by Eliza Spencer (@elizavspencer)

Елиза го сподели овој романтичен момент со своите следбеници на социјалните мрежи, изполнет со свеќи, цвеќиња и зајдисонце на хоризонтот.

Триесет и двегодишната Елиза е една од трите ќерки на Лорд Чарлс Спенсер, помладиот брат на принцезата Дајана. Елиза, нејзината близначка Амелија и постарата сестра Кити наследиле голем дел од шармот и убавината на нивната тетка и секогаш се во центарот на вниманието каде и да се појават.

Кити се омажи за милијардерот Мајкл Луис во 2021 година во Вилата Алдобрандини во Рим, а Амелија во 2023 година во ексклузивната винарија во Кејптаун, па сите со нетрпение ја очекуваат последната венчавка на Елиза.

Венчавките на сестрите беа вистински медиумски спектакл со многу гламур и егзотични дестинации.

Ченинг избра една од најатрактивните за своето запросување, а прстенот на раката на идната невеста е репрезентативен дијамант.

Тие сè уште не открија каде и кога ќе се одржи венчавката. Елиза неодамна во едно интервју изјави дека размислуваат за егзотична дестинација покрај океанот. Таа за својот избраник рече дека имаат многу слични интереси и дека се сложуваат одлично.