Сообраќајна несреќа кај трговскиот центар „Палома Бјанка“ целосно го закрчи сообраќајот во центарот на Скопје за време на петочниот попладневен шпиц. Како што се гледа од фотографиите и снимките кои ги направи фоторепортерот на „Слободан печат“, поради сообраќајката и преполната улица „Димитрија Чуповски“ на „Рекорд“, низ сообраќајот не можеше да се пробие возило на Брзата помош, кое залудно чекаше во редот со вклучена сирена.