Научниците го реконструирале лицето на древниот египетски фараон, кој бил брутално убиен пред 3.500 години откривајќи како кралот ја дочекал својата судбина, пишува „Дејли мејл“.

Постојат две претпоставки: Секененре-Тао-II, познат и како „Храбриот“, бил убиен кога бил заробен среде ноќ или на бојното поле на 40-годишна возраст додека се обидувал да го ослободи Египет од народот Хикси во 1555 година пр.н.е.

Тим археолози од австралискиот Универзитет Флиндерс го составил неговото лице користејќи КТ-скенирања и рендгенски снимки на искривениот череп на кралот, прикажувајќи го фараонот со мали очи, мали усни и високи јаболчници.

Реконструкцијата довела до сознание и за смртта

Реконструкцијата на лицето, исто така, откри дека удар во горниот дел на мозокот на Тоа најверојатно ја предизвикал неговата смрт.

Начинот на кој загинал фараонот е предмет на дебата откако неговите останки беа пронајдени во 1800-тите. Но, она што е познато е дека имало неколку напаѓачи што го нападнале Тао од различни правци.

Лицето на Тао е реконструирано со помош на неговиот череп пронајден од археолозите во комплексот на гробници познат како Деир ел-Бахри, во некрополата во Теба, во далечната 1886 година.

Тие дигитално ги скенирале посмртните останки, ги поставиле на компјутер и ги пополниле празните места со череп на друго лице, кој претходно бил дигитализиран.

Другиот череп бил изменет сѐ додека не се совпаднала со черепот на Тао – процес наречен анатомска деформација.

Тимот почнал да работи така што нацртал дигитален профил на лицето на кралот и создал боја на кожата слична на онаа вообичаена кај древните Египќани, која „не мора да ја одразува вистинската боја на кожата“, се наведува во студијата.

Обликот на очите, трепките и веѓите на Тоа се исто така субјективни елементи, но истражувачите велат дека тие го хуманизираат древниот крал.

Тимот исто така користел маркери за дебелина за да одговараат на оние со африканско потекло, а потоа додале дигитални рани за да видат точно како предметите го раниле кралот.

Дигиталните черепи со откриен мозок потоа биле користени за да се види која секира го убила кралот, откривајќи дека најголемата рана продрела во неговиот мозок.

Оружјето го прободело горниот сагитален синус, што веројатно го предизвикало крвавењето што довело до последниот здив на Тао.

За посмртните снимки, тимот ги оставил неговите усни малку отворени и јазикот меѓу забите поради некои повреди и деформитети на лицето кои би ги објасниле деталите за тоа кога Тао бил убиен.

ALSO https://t.co/6pW6VWaJqn Scientists reveal what Egypt’s warrior pharaoh known as ‘The Brave’ looked like – 3,500 years after he was brutally killed in battle https://t.co/cWpnSZHRsy ~ Story Below #USA #News

— Follow @JodyField (@JodyField) June 3, 2024

Мумијата откриена во 1886 година

Гастон Масперо, француски египтолог, го открил храбриот фараон меѓу стотици ковчези и мумии во 1886 година.

Масперо утврдил дека Тао бил виток, со мала и издолжена глава и црна, фина и кадрава коса, врз основа на косата на мумифицираното тело.

Фараонот владеел со јужниот регион на Египет од околу 1560-1555 година пр.н.е., во текот на седумнаесеттата династија, пишува „Дејли мејл“.