Гвен Стефани ја доби својата заслужена ѕвезда на Булеварот на славните во Холивуд , а таа чест ја прослави заедно со трите сина и сопругот Блејк Шелтон.

Американската кантри-ѕвезда, Блејк Шелтон одржа говор за време на церемонијата, потенцирајќи ја нејзината посветеност на мајчинството, грижејќи се за 17-годишниот Кингстон, 15-годишниот Зума и деветгодишниот Аполо, пишува „Билборд“. 

„Стоејќи овде речиси 10 години подоцна откако првпат ја запознав, можам без сомнение да кажам дека мајчинството сè уште е најважната работа во нејзиниот живот“, се обрати тој на толпата и додаде: „И морам да ви кажам на сите, тоа е реткост во овој бизнис“.

Додека Гвен веќе ги бришеше солзите, Шелтон продолжи: „Денес е убаво да се види како е почестена за нејзиниот спореден проект, а тоа е да биде една од најголемите ѕвезди во светот. Според мене, Гвен е совршена личност за да добие ѕвезда на Булеварот на славните. Од музика, телевизија и филмови до мода и убавина, таа постојано се искачува на врвот, со нејзиниот уникатен стил што го натера светот да се заљуби во неа. Сепак, не толку како мене“.

Стефани се огласи на Инстаграм по церемонијата за да се заблагодари за нејзиното достигнување, пишувајќи: „Кој би помислил дека оваа девојка од Анахајм ќе има своја ѕвезда на Булеварот на славните во Холивуд ? Ви благодарам што бевте со мене на ова патување, пеејќи со мене сите овие години… ве сакам!!!“

Љубовната приказна на Гвен Стефани и Блејк Шелтон- Од другари станаа брачни другари