Познатиот актер Дензел Вашингтон се крштеваше еден месец откако изјави дека религијата не е модерна во Холивуд.

Познатиот холивудски актер Дензел Вашингтон се крштеваше во саботата во храмот Кели во Њујорк и доби свештеничка дозвола. Пред самиот чин на крштевањето, 69-годишниот актер низ солзи рече:

„Помина малку време, но конечно сум тука“.

??DEVELOPING: Hollywood actor Denzel Washington got baptized and became a licensed minister in training. pic.twitter.com/EkOXwWK2lv

— Dom Lucre | Breaker of Narratives (@dom_lucre) December 22, 2024

Неговата изјава до медиумите ја пренесе архиепископот Кристофер Брајант, а ја објави „Пејџ Сикс“.

„Ако Бог може да го направи ова за мене, нема ништо што не може да направи за вас. Небото е буквално граница“, додал актерот.

Проговори и неговата сопруга Паулета Вашингтон, пресреќна што, како што истакна, „го направил овој голем чекор во својата вера“.

Четириесет и шест години подоцна, сè уште стојам покрај него како што може само Господ“, рече актерката, која со својот сопруг ги има синот Џон (40), ќерката Катја (37) и близнаците Оливија и Малколм (33)и седнала на скалите на говорницата, бришејќи ги солзите.

„Јас сум многу горда на тебе. Ти си глава на нашиот дом и даваш одличен пример на нашите деца, кои сега се пораснати и ја знаат разликата, бидејќи им ја покажавме разликата“, рече Паулета.

Дензел, кој беше облечен во сива маица и црни спортски панталони, позираше како свештеник.

Крштевањето на двократниот оскаровец се случи откако пред еден месец зборуваше за религијата во Холивуд.

„Што воопшто значи Холивуд? За мене тоа значи улица наречена Холивуд булевар. Не е како сите да се сретнеме некаде и да разговараме за она во што веруваме. Така што не знам колку други актери веруваат. Не сум правел анкета. Од каде би знаел? Нема состаноци на актери верници на кои сум бил“, истакнал Дензел.